ಚಿತ್ರದುರ್ಗ ಜಿಲ್ಲೆಯ ಸ್ವಸಹಾಯ ಗುಂಪಿನ ಮಹಿಳೆಯರಿಗೆ ಸಹಾಯಧನದಲ್ಲಿ ಹಸು, ಎಮ್ಮೆ ವಿತರಣೆ: ಅರ್ಜಿ ಆಹ್ವಾನ

187 ಗ್ರಾಮಗಳ 3,179 ಮಹಿಳೆಯರಿಗೆ ಸೌಲಭ್ಯ

ಚಿತ್ರದುರ್ಗ, ಹೊಳಲ್ಕೆರೆ ಮತ್ತು ಹೊಸದುರ್ಗ ತಾಲ್ಲೂಕುಗಳ ಒಟ್ಟು 187 ಗಣಿಬಾಧಿತ/ಪ್ರಭಾವಕ್ಕೊಳಗಾದ ಗ್ರಾಮಗಳಲ್ಲಿ ಈ ಯೋಜನೆ ಜಾರಿಯಾಗಲಿದೆ. ಪರಿಶಿಷ್ಟ ಜಾತಿಯ 339, ಪರಿಶಿಷ್ಟ ಪಂಗಡದ 137 ಹಾಗೂ ಸಾಮಾನ್ಯ ವರ್ಗದ 2,703 ಸೇರಿದಂತೆ ಒಟ್ಟು 3,179 ಮಹಿಳಾ ಫಲಾನುಭವಿಗಳಿಗೆ ಈ ಯೋಜನೆಯಡಿ ಸೌಲಭ್ಯ ಕಲ್ಪಿಸುವ ಗುರಿ ಹೊಂದಲಾಗಿದೆ. ಚಿತ್ರದುರ್ಗ ತಾಲ್ಲೂಕಿನ 51, ಹೊಳಲ್ಕೆರೆ ತಾಲ್ಲೂಕಿನ 72 ಹಾಗೂ ಹೊಸದುರ್ಗ ತಾಲ್ಲೂಕಿನ 64 ಗ್ರಾಮಗಳ ಮಹಿಳೆಯರು ಇದರ ಸದುಪಯೋಗ ಪಡೆದುಕೊಳ್ಳಬಹುದು.

ಅರ್ಜಿ ಸಲ್ಲಿಸುವುದು ಹೇಗೆ? ಅರ್ಹತೆಗಳೇನು?

• ಈ ಯೋಜನೆಯ ಲಾಭ ಪಡೆಯಲು ಮಹಿಳೆಯರು ಕಡ್ಡಾಯವಾಗಿ ಜಿ.ಪಿ.ಎಲ್.ಎಫ್ (GPLF) ಮುಖಾಂತರ ಸ್ಥಳೀಯ ಸ್ವಸಹಾಯ ಗುಂಪಿನ ಸದಸ್ಯತ್ವ ಹೊಂದಿರಬೇಕು.
• ಅರ್ಜಿಯನ್ನು ಸ್ಥಳೀಯ ಪಶು ಆಸ್ಪತ್ರೆ, ಗ್ರಾಮ ಪಂಚಾಯತ್ ಹಾಗೂ ಹಾಲು ಉತ್ಪಾದಕರ ಸಹಕಾರ ಸಂಘಗಳಿಂದ ಪಡೆದುಕೊಳ್ಳಬಹುದು.
• ಸಂಪೂರ್ಣವಾಗಿ ಭರ್ತಿ ಮಾಡಿದ ಅರ್ಜಿಗಳನ್ನು ಅಗತ್ಯ ದಾಖಲೆಗಳೊಂದಿಗೆ ತ್ರಿ-ಪ್ರತಿಯಲ್ಲಿ (3 Copies) ನಿಮ್ಮ ಗ್ರಾಮ ಪಂಚಾಯಿತಿಯ ಜಿಪಿಎಲ್‍ಎಫ್ ಮುಖಾಂತರ ಸ್ಥಳೀಯ ಪಶು ಆಸ್ಪತ್ರೆ ಅಥವಾ ಪಶು ಚಿಕಿತ್ಸಾಲಯಕ್ಕೆ ಸಲ್ಲಿಸಬೇಕು.
• ಅರ್ಜಿ ಸಲ್ಲಿಸಲು ಜೂನ್ 10 ಕೊನೆಯ ದಿನಾಂಕವಾಗಿರುತ್ತದೆ.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:
ಹೆಚ್ಚಿನ ವಿವರಗಳಿಗಾಗಿ ಮತ್ತು ಮಾರ್ಗದರ್ಶನಕ್ಕಾಗಿ ಆಯಾ ತಾಲ್ಲೂಕಿನ ಮುಖ್ಯ ಪಶುವೈದ್ಯಾಧಿಕಾರಿಗಳನ್ನು ಸಂಪರ್ಕಿಸಬಹುದಾಗಿದೆ:

Read Also: ಚಿತ್ರದುರ್ಗದ ಕೋಟೆ ಹೊಂಡದಲ್ಲಿ ಮೊಸಳೆ ಭೀತಿ: ಎಚ್ಚರಿಕೆ ಕಡೆಗಣಿಸಿ ಯುವಕರ ಈಜಾಟ, ಸ್ಥಳೀಯರ ಆಕ್ರೋಶ

• ಚಿತ್ರದುರ್ಗ ಪಶು ಆಸ್ಪತ್ರೆ: ಡಾ. ಜಿ. ಇಂದಿರಾಬಾಯಿ – 9482943111
• ಹೊಳಲ್ಕೆರೆ ಪಶು ಆಸ್ಪತ್ರೆ: ಡಾ. ರಂಗಸ್ವಾಮಿ – 9972965479
• ಹೊಸದುರ್ಗ ಪಶು ಆಸ್ಪತ್ರೆ: ಡಾ. ಸಿ. ಶಿವಪ್ಪ – 9449783775

ಅರ್ಹ ಗಣಿಬಾಧಿತ ಗ್ರಾಮಗಳ ಆಸಕ್ತ ಸ್ವಸಹಾಯ ಗುಂಪಿನ ಮಹಿಳೆಯರು ತಕ್ಷಣವೇ ಸ್ಥಳೀಯ ಪಶು ವೈದ್ಯಾಧಿಕಾರಿಗಳನ್ನು ಸಂಪರ್ಕಿಸಿ ಯೋಜನೆಯ ಲಾಭ ಪಡೆಯುವಂತೆ ಚಿತ್ರದುರ್ಗ ಪಶುಪಾಲನಾ ಮತ್ತು ಪಶುವೈದ್ಯ ಸೇವಾ ಇಲಾಖೆಯ ಉಪನಿರ್ದೇಶಕರಾದ ಡಾ. ಸಿ. ತಿಪ್ಪೇಸ್ವಾಮಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.