ಮಳೆಗಾಲದಲ್ಲಿ ಸೊಳ್ಳೆ, ನೊಣಗಳ ಕಾಟಕ್ಕೆ ಇಡೀ ಮನೆ ಮಂದಿ ಸುಸ್ತಾಗಿದ್ದೀರಾ? ಇಲ್ಲಿದೆ ಸುಲಭ ಮನೆಮದ್ದು ಮತ್ತು ನೈಸರ್ಗಿಕ ಪರಿಹಾರ!

ಮಳೆಗಾಲ ಆರಂಭವಾಯಿತೆಂದರೆ ಸಾಕು, ಪ್ರಕೃತಿ ಹಸಿರಾಗಿ ಕಣ್ಣಿಗೆ ತಂಪು ನೀಡುತ್ತದೆ. ಆದರೆ, ಇದರ ಜೊತೆಯಲ್ಲೇ ಸೊಳ್ಳೆ ಮತ್ತು ನೊಣಗಳ ಕಾಟವೂ ಶುರುವಾಗುತ್ತದೆ. ಈ ದಿನಗಳಲ್ಲಿ ಎಲ್ಲಿ ನೋಡಿದರಲ್ಲಿ ನೊಣಗಳ ಹಾವಳಿ ಹಾಗೂ ಸಂಜೆಯಾಗುತ್ತಿದ್ದಂತೆ ಕಾಡುವ ಸೊಳ್ಳೆಗಳ ಕಾಟದಿಂದ ಇಡೀ ಮನೆಮಂದಿ ಕಿರಿಕಿರಿ ಅನುಭವಿಸುವುದು ಸಾಮಾನ್ಯ. ನೊಣಗಳು ಆಹಾರವನ್ನು ಕಲುಷಿತಗೊಳಿಸಿದರೆ, ಸೊಳ್ಳೆಗಳು ಮಲೇರಿಯಾ, ಡೆಂಗ್ಯೂ ಮತ್ತು ಚಿಕೂನ್‌ಗುನ್ಯಾದಂತಹ ಅಪಾಯಕಾರಿ ಕಾಯಿಲೆಗಳನ್ನು ಹೊತ್ತು ತರುತ್ತವೆ.

ಮಾರುಕಟ್ಟೆಯಲ್ಲಿ ಸಿಗುವ ರಾಸಾಯನಿಕಯುಕ್ತ ಸ್ಪ್ರೇಗಳು ಆರೋಗ್ಯಕ್ಕೆ ಹಾನಿಕಾರಕ. ಹಾಗಾದರೆ ಇದಕ್ಕೆ ನೈಸರ್ಗಿಕ ಪರಿಹಾರವೇನು? ನಿಮ್ಮ ಮನೆಯಲ್ಲಿಯೇ ಸಿಗುವ ವಸ್ತುಗಳು ಮತ್ತು ಕೆಲವು ಗಿಡಗಳ ಸಹಾಯದಿಂದ ಈ ಕೀಟಗಳನ್ನು ಹೇಗೆ ಓಡಿಸಬಹುದು ಎಂಬುದರ ಕಂಪ್ಲೀಟ್ ಮಾಹಿತಿ ಇಲ್ಲಿದೆ.

ನೊಣಗಳ ಹಾವಳಿ ತಡೆಯಲು ಸರಳ ಮನೆಮದ್ದುಗಳು:

• ಉಪ್ಪು ನೀರಿನ ಮ್ಯಾಜಿಕ್: ಮನೆಯನ್ನು ಒರೆಸುವಾಗ ನೀರಿಗೆ ಸ್ವಲ್ಪ ಉಪ್ಪನ್ನು ಹಾಕಿ ಒರೆಸಿ. ಇದು ನೊಣಗಳನ್ನು ಮನೆಯೊಳಗೆ ಬರದಂತೆ ತಡೆಯಲು ನೆರವಾಗುತ್ತದೆ.

  

  Read Also: ದೈನಂದಿನ ವ್ಯಾಯಾಮ: ಆರೋಗ್ಯ, ಸಂತೋಷ ಮತ್ತು ಲವಲವಿಕೆಯ ಗುಟ್ಟು ಇಲ್ಲಿದೆ!

• ನಿಂಬೆ ಮತ್ತು ಲವಂಗ: ಒಂದು ನಿಂಬೆಹಣ್ಣನ್ನು ಅರ್ಧಕ್ಕೆ ಕತ್ತರಿಸಿ, ಅದಕ್ಕೆ 4-5 ಲವಂಗಗಳನ್ನು ಚುಚ್ಚಿ ನೊಣಗಳು ಹೆಚ್ಚಾಗಿ ಬರುವ ಜಾಗದಲ್ಲಿಡಿ. ಇದರ ತೀಕ್ಷ್ಣ ವಾಸನೆಗೆ ನೊಣಗಳು ಓಡಿಹೋಗುತ್ತವೆ.

• ಕರ್ಪೂರದ ಧೂಪ: ಮನೆಯಲ್ಲಿ ಕರ್ಪೂರವನ್ನು ಉರಿಸಿ ಅದರ ಧೂಪವನ್ನು ಹಾಕುವುದರಿಂದ ಕೇವಲ ನೊಣಗಳು ಮಾತ್ರವಲ್ಲ, ಸೊಳ್ಳೆಗಳೂ ಮಾಯವಾಗುತ್ತವೆ.

• ತುಳಸಿ ಮತ್ತು ದಾಲ್ಚಿನ್ನಿ: ತುಳಸಿ ಎಲೆಯ ಪೇಸ್ಟ್ ಅಥವಾ ದಾಲ್ಚಿನ್ನಿ (ಚಕ್ಕೆ) ಪುಡಿಯನ್ನು ನೀರಿಗೆ ಬೆರೆಸಿ ಸ್ಪ್ರೇ ಮಾಡುವುದರಿಂದ ನೊಣಗಳ ಕಾಟ ಕಡಿಮೆಯಾಗುತ್ತದೆ.

• ಬೆಳ್ಳುಳ್ಳಿ ಮತ್ತು ಪುದೀನಾ ರಸ: ಬೆಳ್ಳುಳ್ಳಿ ಹಾಗೂ ಪುದೀನಾ ರಸವನ್ನು ಒಟ್ಟಿಗೆ ಸೇರಿಸಿ ಸ್ಪ್ರೇ ಬಾಟಲಿಯಲ್ಲಿ ತುಂಬಿಸಿಟ್ಟುಕೊಳ್ಳಿ. ನೊಣಗಳಿರುವ ಜಾಗಕ್ಕೆ ಇದನ್ನು ಸಿಂಪಡಿಸಿದರೆ ತಕ್ಷಣವೇ ಅವು ದೂರವಾಗುತ್ತವೆ.

ಮನೆಯ ಸುತ್ತಮುತ್ತ ಈ ಗಿಡಗಳನ್ನು ನೆಡಿ:

ರಾಸಾಯನಿಕಗಳ ಮೊರೆ ಹೋಗುವ ಬದಲು ನಿಮ್ಮ ಮನೆಯ ಬಾಲ್ಕನಿ, ಕಿಟಕಿ ಅಥವಾ ತೋಟದಲ್ಲಿ ಕೆಲವು ಗಿಡಗಳನ್ನು ಬೆಳೆಸುವ ಮೂಲಕ ಸೊಳ್ಳೆ ಮತ್ತು ನೊಣಗಳನ್ನು ನೈಸರ್ಗಿಕವಾಗಿಯೇ ದೂರ ಇಡಬಹುದು. ಈ ಗಿಡಗಳಿಂದ ಬರುವ ಬಲವಾದ ಸುಗಂಧ ಕೀಟಗಳಿಗೆ ಅಲರ್ಜಿ ತರಿಸುತ್ತದೆ.

• ತುಳಸಿ: ತುಳಸಿ ಗಿಡವು ಗಾಳಿಯನ್ನು ಶುದ್ಧೀಕರಿಸುವುದು ಮಾತ್ರವಲ್ಲದೆ, ಇದರ ವಾಸನೆ ಸೊಳ್ಳೆ-ನೊಣಗಳನ್ನು ಹತ್ತಿರ ಸೇರಿಸುವುದಿಲ್ಲ.

• ಪುದೀನಾ ಮತ್ತು ರೋಸ್ಮರಿ: ಇವುಗಳ ತೀಕ್ಷ್ಣವಾದ ಸುಗಂಧವು ಸೊಳ್ಳೆಗಳಿಗೆ ಇಷ್ಟವಾಗುವುದಿಲ್ಲ.

• ಲ್ಯಾವೆಂಡರ್: ನೋಡಲು ಸುಂದರವಾಗಿರುವ ಈ ಗಿಡದ ಸುವಾಸನೆ ನಮಗೆ ಹಿತ ನೀಡಿದರೆ, ಸೊಳ್ಳೆಗಳನ್ನು ಓಡಿಸಲು ರಾಮಬಾಣ.

• ಚೆಂಡುಹೂವು (Marigold): ಚೆಂಡುಹೂವಿನ ಗಿಡದಲ್ಲಿರುವ ವಿಶಿಷ್ಟ ವಾಸನೆ ಸೊಳ್ಳೆಗಳ ಸಂತಾನೋತ್ಪತ್ತಿಯನ್ನು ತಡೆಯಲು ಸಹಾಯ ಮಾಡುತ್ತದೆ.

• ಬೇವು: ಬೇವರಿಗಿಂತ ಉತ್ತಮ ಕೀಟನಾಶಕ ಮತ್ತೊಂದಿಲ್ಲ. ಮನೆಯ ಸುತ್ತ ಬೇವು ಇದ್ದರೆ ಸೊಳ್ಳೆಗಳ ಹಾವಳಿ ಶೇ. 80 ರಷ್ಟು ಕಡಿಮೆಯಾಗುತ್ತದೆ.

ಮುಖ್ಯ ಗಮನ: ಎಲ್ಲಕ್ಕಿಂತ ಮುಖ್ಯವಾಗಿ ಮನೆಯ ಸುತ್ತಮುತ್ತ ನೀರು ನಿಲ್ಲದಂತೆ ನೋಡಿಕೊಳ್ಳಿ. ಕಸದ ಬುಟ್ಟಿಗಳನ್ನು ಮುಚ್ಚಿಡಿ. ಮನೆ ಸದಾ ಸ್ವಚ್ಛವಾಗಿದ್ದರೆ ಯಾವುದೇ ಕಾಯಿಲೆಗಳ ಭಯವಿರುವುದಿಲ್ಲ.