ದಾವಣಗೆರೆ ದಕ್ಷಿಣ ಉಪಚುನಾವಣೆ: 7ನೇ ಸುತ್ತಿನಲ್ಲಿ ಕಾಂಗ್ರೆಸ್ ಭಾರಿ ಚೇತರಿಕೆ, 3,925ಕ್ಕೆ ಕುಸಿದ ಬಿಜೆಪಿಯ ಮುನ್ನಡೆ ಅಂತರ!

ದಾವಣಗೆರೆ: ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆಯ ಮತ ಎಣಿಕೆ ರೋಚಕ ಘಟ್ಟ ತಲುಪಿದೆ. 7ನೇ ಸುತ್ತಿನ ಮತ ಎಣಿಕೆ ಮುಕ್ತಾಯವಾಗಿದ್ದು, ಕಾಂಗ್ರೆಸ್ ಅಭ್ಯರ್ಥಿ ಸಮರ್ಥ್ ಶಾಮನೂರು ಭಾರಿ ಚೇತರಿಕೆ ಕಂಡಿದ್ದಾರೆ. ಇದರಿಂದಾಗಿ, ಆರಂಭದಿಂದಲೂ ಬೃಹತ್ ಮುನ್ನಡೆ ಕಾಯ್ದುಕೊಂಡಿದ್ದ ಬಿಜೆಪಿ ಅಭ್ಯರ್ಥಿ ಶ್ರೀನಿವಾಸ್ ದಾಸಕರಿಯಪ್ಪ ಅವರ ಮುನ್ನಡೆಯ ಅಂತರ ಗಣನೀಯವಾಗಿ ಇಳಿಕೆಯಾಗಿದೆ.

ಚುನಾವಣಾ ಎಣಿಕೆ ಕೇಂದ್ರದ ಇತ್ತೀಚಿನ ವರದಿಗಳ ಪ್ರಕಾರ, 6ನೇ ಸುತ್ತಿನಲ್ಲಿ ಬರೋಬ್ಬರಿ 8,500ಕ್ಕೂ ಅಧಿಕ ಮತಗಳ ಹಿನ್ನಡೆಯಲ್ಲಿದ್ದ ಕಾಂಗ್ರೆಸ್, 7ನೇ ಸುತ್ತಿನಲ್ಲಿ ಅಚ್ಚರಿಯ ಕಂಬ್ಯಾಕ್ ಮಾಡಿದೆ. ಕೇವಲ ಒಂದೇ ಸುತ್ತಿನಲ್ಲಿ ಅಂತರವನ್ನು 3,925 ಮತಗಳಿಗೆ ತಗ್ಗಿಸುವಲ್ಲಿ ಕಾಂಗ್ರೆಸ್ ಯಶಸ್ವಿಯಾಗಿದೆ.

7ನೇ ಸುತ್ತಿನ ಮತಗಳ ವಿವರ (ಇತ್ತೀಚಿನ ಅಪ್‌ಡೇಟ್):

Read Also: ದಾವಣಗೆರೆ ಉಪಚುನಾವಣೆ: ಸ್ಟ್ರಾಂಗ್ ರೂಮ್ ಕೀ ಅದಲು ಬದಲು! ಬೀಗ ಒಡೆದು ಇವಿಎಂ ಹೊರಕ್ಕೆ ತೆಗೆದ ಅಧಿಕಾರಿಗಳು

• ಬಿಜೆಪಿ (ಶ್ರೀನಿವಾಸ್ ದಾಸಕರಿಯಪ್ಪ): 25,878 ಮತಗಳು

• ಕಾಂಗ್ರೆಸ್ (ಸಮರ್ಥ್ ಶಾಮನೂರು): 21,953 ಮತಗಳು

• ಮುನ್ನಡೆ ಅಂತರ: ಬಿಜೆಪಿ ಅಭ್ಯರ್ಥಿಗೆ 3,925 ಮತಗಳ ಮುನ್ನಡೆ.

ಆರಂಭದಿಂದಲೂ ಏಕಮುಖವಾಗಿ ಸಾಗುತ್ತಿದ್ದ ಫಲಿತಾಂಶದ ಟ್ರೆಂಡ್, ಇದೀಗ ತೀವ್ರ ಪೈಪೋಟಿಗೆ ಸಾಕ್ಷಿಯಾಗಿದೆ. ಕಾಂಗ್ರೆಸ್ ಪಾಳಯದಲ್ಲಿ ಈ ಚೇತರಿಕೆ ಹೊಸ ಭರವಸೆ ಮೂಡಿಸಿದ್ದರೆ, ಬಿಜೆಪಿ ಕಾರ್ಯಕರ್ತರಲ್ಲಿ ಕೊಂಚ ಆತಂಕ ಸೃಷ್ಟಿಸಿದೆ. ಮುಂದಿನ ಸುತ್ತುಗಳಲ್ಲಿ ಯಾರು ಮುನ್ನಡೆ ಸಾಧಿಸಲಿದ್ದಾರೆ ಎಂಬುದು ಇನ್ನಷ್ಟು ಕುತೂಹಲ ಮೂಡಿಸಿದೆ.

ಚುನಾವಣೆಯ ಮುಂದಿನ ಸುತ್ತಿನ ಎಣಿಕೆ ಪ್ರಗತಿಯಲ್ಲಿದ್ದು, ಗೆಲುವು ಯಾರತ್ತ ವಾಲಲಿದೆ ಎಂಬ ಕ್ಷಣಕ್ಷಣದ ನಿಖರ ಮತ್ತು ಲೈವ್ ಅಪ್‌ಡೇಟ್‌ಗಳಿಗಾಗಿ ‘ಮಧ್ಯ ಕರ್ನಾಟಕ ಲೈವ್’ (madhykarnataka.live) ನೋಡುತ್ತಿರಿ.