ದಾವಣಗೆರೆ: ಕರ್ತವ್ಯನಿರತ ಮಹಿಳಾ ಇನ್ಸ್‌ಪೆಕ್ಟರ್ ಹಾಗೂ ಸಿಬ್ಬಂದಿಯ ಮೇಲೆ ಹಲ್ಲೆ ನಡೆಸಿದ್ದ ಕಾಂಗ್ರೆಸ್ ಮುಖಂಡನ ಪುತ್ರನನ್ನು ಬಂಧಿಸಲು ಹೋದ ಪೊಲೀಸರಿಗೆ, ಸ್ಥಳೀಯರು ಮತ್ತು ಆರೋಪಿ ಕಡೆಯವರು ತೀವ್ರ ಪ್ರತಿರೋಧ ಒಡ್ಡಿದ ಘಟನೆ ದಾವಣಗೆರೆಯ ಇಮಾಂ ನಗರದಲ್ಲಿ ನಡೆದಿದೆ. ಈ ವೇಳೆ ಪೊಲೀಸರು ನಡುರಸ್ತೆಯಲ್ಲೇ ಕುಳಿತು ಪ್ರತಿಭಟಿಸುವ ಮೂಲಕ ಹೈಡ್ರಾಮ ನಡೆದಿದ್ದು, ಇದೀಗ ಪ್ರಕರಣ ರಾಜಕೀಯ ತಿರುವು ಪಡೆದುಕೊಂಡಿದೆ.

“ಬ್ರದರ್ಸ್ ಎಂಬ ಕಾರಣಕ್ಕೆ ಮೌನವೇ?”

ಬಿಜೆಪಿ ರಾಜ್ಯ ಘಟಕದ ಆಕ್ರೋಶ:

“ದಾವಣಗೆರೆ ಧೂಡಾ (DUDA) ಮಾಜಿ ಅಧ್ಯಕ್ಷನ ಪುತ್ರರು ಪೊಲೀಸರ ಮೇಲೆ ಹಲ್ಲೆ ಮಾಡಿದರೂ ಇನ್ನೂ ಕಠಿಣ ಕ್ರಮವಿಲ್ಲ. ದೆಹಲಿ ಹೈಕಮಾಂಡ್ ಆದೇಶದಂತೆ ಅಲ್ಪಸಂಖ್ಯಾತರು ಕಾನೂನಿಗಿಂತ ಮಿಗಿಲಾಗಿದ್ದಾರೆಯೇ?

Read Also: ಹರಿಹರ ಪಂಚಮಸಾಲಿ ಪೀಠದಲ್ಲಿ ಸಮರ: ಕೂಡಲಸಂಗಮದ ಲೆಕ್ಕ ಕೇಳಿದ ಎಚ್.ಎಸ್. ನಾಗರಾಜ್!

ಆರೋಪಿಗಳು ‘ಬ್ರದರ್ಸ್’ ಎಂಬ ಕಾರಣಕ್ಕಾಗಿಯೇ ಸರ್ಕಾರ ಮೌನವಾಗಿದೆಯೇ? ಸಾಮಾನ್ಯ ಜನರ ರಕ್ಷಣೆ ಮಾಡಬೇಕಾದ ಇಲಾಖೆಯ ನೈತಿಕ ಸ್ಥೈರ್ಯವನ್ನು ವೋಟ್ ಬ್ಯಾಂಕ್ ರಾಜಕಾರಣಕ್ಕಾಗಿ ಬಲಿ ಕೊಡಬೇಡಿ. ಇದು ಓಲೈಕೆಯ ಪರಮಾವಧಿ! ಧಿಕ್ಕಾರವಿರಲಿ.”

ರಸ್ತೆ ಮೇಲೆ ಕುಳಿತು ದಿಟ್ಟತನ ತೋರಿದ ಸಿಪಿಐ!

ಭಾನುವಾರ ಆರೋಪಿಗಳನ್ನು ಬಂಧಿಸಲು ಇಮಾಂ ನಗರಕ್ಕೆ ತೆರಳಿದ್ದಾಗ, ಆರೋಪಿಗಳ ಕಡೆಯವರು ದೌರ್ಜನ್ಯ ಎಸಗಿ ಮೊಬೈಲ್ ಕಸಿದುಕೊಳ್ಳಲು ಮುಂದಾಗಿದ್ದರು. ಈ ವೇಳೆ ಬಡಾವಣೆ ಠಾಣೆ ಸಿಪಿಐ ಗಾಯತ್ರಿ ಅವರು ತಾಳ್ಮೆ ಕಳೆದುಕೊಳ್ಳದೆ ಸ್ಥಳದಲ್ಲೇ ಪ್ರತಿಭಟನೆಗೆ ಕುಳಿತರು.

ಎಂದು ಹೇಳುತ್ತಾ ತಮ್ಮ ಸಿಬ್ಬಂದಿಯೊಂದಿಗೆ ಆರೋಪಿ ಮನೆಯ ಮುಂದಿನ ರಸ್ತೆಯಲ್ಲೇ ಧರಣಿ ನಡೆಸಿದರು. ಪೊಲೀಸರ ಈ ನಡೆಗೆ ಬೆಚ್ಚಿಬಿದ್ದ ಆರೋಪಿ ಕಡೆಯವರು ಅಂತಿಮವಾಗಿ ಮಣಿಯಲೇಬೇಕಾಯಿತು.

ಘಟನೆಯ ಹಿನ್ನೆಲೆ ಏನು?

ನಗರದ ಮದಿನಾ ಆಟೋ ನಿಲ್ದಾಣದಲ್ಲಿ ನಡೆದ ಗಲಾಟೆ ವೇಳೆ ಗಾಯಾಳುಗಳನ್ನು ವಿಚಾರಿಸಲು ಆಸ್ಪತ್ರೆಗೆ ತೆರಳಿದ್ದ ಪೊಲೀಸರ ಮೇಲೆಯೇ ಶನಿವಾರ ಹಲ್ಲೆ ನಡೆಸಲಾಗಿತ್ತು. ಬಂಧನದ ವೇಳೆ ಆರೋಪಿ ಹಸನ್ ಪೈಲ್ವಾನ್, “ನಾವು ಸಾಮಾನ್ಯ ಮನುಷ್ಯರಲ್ಲ” ಎಂದು ಪೊಲೀಸರಿಗೆ ಬೆದರಿಕೆ ಹಾಕಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.