ಹೊಳಲ್ಕೆರೆಯಲ್ಲಿ ಉಚಿತ ಉದ್ಯಮಶೀಲತಾ ತರಬೇತಿ 2026

ಹೊಳಲ್ಕೆರೆ (ಚಿತ್ರದುರ್ಗ): ನೊಳಂಬ ಸಮಾಜದ ಯುವಜನರಲ್ಲಿ ಉದ್ಯಮಶೀಲತೆಯನ್ನು ಉತ್ತೇಜಿಸುವ ಮತ್ತು ಸ್ವಾವಲಂಬಿ ಬದುಕಿಗೆ ದಾರಿ ಮಾಡಿಕೊಡುವ ನಿಟ್ಟಿನಲ್ಲಿ, ಇದೇ ಬರುವ ಮಾರ್ಚ್ 29ರ ಭಾನುವಾರ ಚಿತ್ರದುರ್ಗ ಜಿಲ್ಲೆಯ ಹೊಳಲ್ಕೆರೆಯಲ್ಲಿ ಒಂದು ದಿನದ ಬೃಹತ್ “ನವೀನ ಉದ್ಯಮಶೀಲತಾ ಕಾರ್ಯಗಾರ” ಹಮ್ಮಿಕೊಳ್ಳಲಾಗಿದೆ.

​ನೊಳಂಬ ಉದ್ಯಮಿದಾರರ ಸಹಕಾರ ಸಂಘ (ಬೆಂಗಳೂರು) ಮತ್ತು ಕರ್ನಾಟಕ ಸರ್ಕಾರದ ಕೈಗಾರಿಕೆ ಹಾಗೂ ವಾಣಿಜ್ಯ ಇಲಾಖೆಯ ಜಂಟಿ ಆಶ್ರಯದಲ್ಲಿ ಈ ವಿಶೇಷ ಕಾರ್ಯಕ್ರಮ ನಡೆಯಲಿದೆ.

​ಉದ್ಯಮ ಸ್ಥಾಪನೆಗೆ ತಜ್ಞರ ಮಾರ್ಗದರ್ಶನ

Read Also: ಚಿಕ್ಕಜಾಜೂರು ರೈಲ್ವೆ ನಿಲ್ದಾಣದಲ್ಲಿ ದಾರಿ ತಪ್ಪಿದ್ದ ಬೆಳಗಾವಿ ಯುವಕನ ರಕ್ಷಣೆ: ಸಕಾಲದಲ್ಲಿ ಸ್ಪಂದಿಸಿ ಮಾನವೀಯತೆ ಮೆರೆದ 112 ಸಹಾಯವಾಣಿ ಸಿಬ್ಬಂದಿ!

​ನೊಳಂಬ ಪಿ. ಜಯರಾಜ್ ಅವರ ನೇತೃತ್ವದಲ್ಲಿ ಆಯೋಜಿತವಾಗಿರುವ ಈ ಕಾರ್ಯಗಾರದಲ್ಲಿ, ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಉದ್ಯಮಿಗಳಿಗಾಗಿ ನೀಡುತ್ತಿರುವ ವಿವಿಧ ಸಬ್ಸಿಡಿಗಳು, ಸಾಲ ಸೌಲಭ್ಯಗಳು ಹಾಗೂ ತಾಂತ್ರಿಕ ನೆರವಿನ ಬಗ್ಗೆ ಸಮಗ್ರ ಮಾಹಿತಿ ನೀಡಲಾಗುವುದು. ವಿಶೇಷವಾಗಿ ನಿರುದ್ಯೋಗಿ ಯುವಕ-ಯುವತಿಯರು ಸ್ವಂತ ಕೈಗಾರಿಕೆ, ಸೇವಾ ವಲಯ ಅಥವಾ ವ್ಯಾಪಾರವನ್ನು ಹೇಗೆ ಶೂನ್ಯದಿಂದ ಆರಂಭಿಸಬಹುದು ಎಂಬ ಬಗ್ಗೆ ಹಂತ ಹಂತವಾಗಿ ಮಾರ್ಗದರ್ಶನ ನೀಡಲಾಗುತ್ತದೆ.

​ಕಾರ್ಯಕ್ರಮದ ವಿವರ:

• ​ದಿನಾಂಕ: 29-03-2026, ಭಾನುವಾರ
• ​ಸಮಯ: ಬೆಳಗ್ಗೆ 8:30 ರಿಂದ ಸಂಜೆ 5:30 ರವರೆಗೆ
• ​ಸ್ಥಳ: ಕನ್ನಡ ಮತ್ತು ಸಂಸ್ಕೃತಿಕ ಭವನದ ಸಭಾಂಗಣ, ಹೊಳಲ್ಕೆರೆ.

​ಸಮಾಜ ಬಾಂಧವರಿಗೆ ಮನವಿ:

​ಹೊಳಲ್ಕೆರೆ ಹಾಗೂ ಸುತ್ತಮುತ್ತಲಿನ ತಾಲ್ಲೂಕುಗಳ ನೊಳಂಬ ಸಮಾಜದ ಬಾಂಧವರು, ವಿದ್ಯಾರ್ಥಿಗಳು ಮತ್ತು ಆಸಕ್ತ ಉದ್ಯಮಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಈ ಉಚಿತ ಕಾರ್ಯಗಾರದ ಸದುಪಯೋಗ ಪಡೆದುಕೊಳ್ಳಬೇಕೆಂದು ಪದಾಧಿಕಾರಿಗಳು ಮನವಿ ಮಾಡಿದ್ದಾರೆ.

​“ನಮ್ಮ ಸಮಾಜದ ಯುವಕರು ಕೇವಲ ಉದ್ಯೋಗಾಕಾಂಕ್ಷಿಗಳಾಗದೆ, ಉದ್ಯೋಗದಾತರಾಗಬೇಕು ಎಂಬುದು ಈ ಕಾರ್ಯಗಾರದ ಮೂಲ ಉದ್ದೇಶ.”

— ಸಂಘಟನಾ ಸಮಿತಿ, ನೊಳಂಬ ಸ್ವಯಂ ಸೇವಕ ಸಂಘ.

​ಸಂಪರ್ಕಿಸಿ:

​ಹೆಚ್ಚಿನ ಮಾಹಿತಿ ಅಥವಾ ನೋಂದಣಿಗಾಗಿ ಈ ಕೆಳಗಿನ ಸಂಖ್ಯೆಗಳನ್ನು ಸಂಪರ್ಕಿಸಬಹುದು:

• ​ರಿಷಿಕುಮಾರ: 8197221508
• ​ಕುಮಾರ್: 7676487042
• ​ಇತರೆ: 8722988386, 9880111067