ಮಧ್ಯ ಕರ್ನಾಟಕದ ಹೆಮ್ಮೆಯ ನಾಯಕನಹಟ್ಟಿ ರಥೋತ್ಸವ: ಭಕ್ತರ ಅನುಕೂಲಕ್ಕೆ ವಿಶೇಷ KSRTC ಬಸ್ ಸಂಚಾರ

ನಾಯಕನಹಟ್ಟಿ ರಥೋತ್ಸವ: ಮಧ್ಯ ಕರ್ನಾಟಕದ ಜನರ ಅಚ್ಚುಮೆಚ್ಚಿನ, ಶಕ್ತಿ ಮತ್ತು ಭಕ್ತಿಯ ಸಂಗಮವಾದ ನಾಯಕನಹಟ್ಟಿ ಶ್ರೀ ಗುರುತಿಪ್ಪೇರುದ್ರಸ್ವಾಮಿಯ ದೊಡ್ಡ ರಥೋತ್ಸವಕ್ಕೆ ಕ್ಷಣಗಣನೆ ಶುರುವಾಗಿದೆ. ಈ ಬಾರಿಯ ಜಾತ್ರೆಗೆ ಬರುವ ಭಕ್ತರಿಗೊಂದು ಸಿಹಿ ಸುದ್ದಿ! ಲಕ್ಷಾಂತರ ಸಂಖ್ಯೆಯಲ್ಲಿ ಸೇರುವ ಭಕ್ತಾದಿಗಳ ಅನುಕೂಲಕ್ಕಾಗಿ ಚಿತ್ರದುರ್ಗ ಸಾರಿಗೆ ಇಲಾಖೆಯು ವಿಶೇಷ ಬಸ್‌ಗಳ ಕಾರ್ಯಾಚರಣೆಯನ್ನು ಹಮ್ಮಿಕೊಂಡಿದೆ.

ನಾಯಕನಹಟ್ಟಿ ಜಾತ್ರೆ ಎಂದರೆ ಅದು ಕೇವಲ ಒಂದು ಧಾರ್ಮಿಕ ಆಚರಣೆಯಲ್ಲ, ಅದೊಂದು ನಾಡಿನ ಸಂಸ್ಕೃತಿಯ ಅನಾವರಣ. ಈ ಸಂಭ್ರಮವನ್ನು ಕಣ್ತುಂಬಿಕೊಳ್ಳಲು ಬರುವ ನಿಮಗೆ ಯಾವುದೇ ಪ್ರಯಾಣದ ಅಡಚಣೆಯಾಗಬಾರದು ಎನ್ನುವ ನಿಟ್ಟಿನಲ್ಲಿ ಸಾರಿಗೆ ಇಲಾಖೆ ಭರ್ಜರಿ ಸಿದ್ಧತೆ ಮಾಡಿಕೊಂಡಿದೆ.

ಜಾತ್ರೆಯ ಸಂಭ್ರಮಕ್ಕೆ ಸಾರಿಗೆ ಇಲಾಖೆಯ ಸಜ್ಜು: ಎಲ್ಲಿಂದ, ಎಲ್ಲಿಗೆ?

ಮಾರ್ಚ್ 6ರಂದು ನಡೆಯಲಿರುವ ಈ ಭವ್ಯ ರಥೋತ್ಸವದ ಹಿನ್ನೆಲೆಯಲ್ಲಿ, ಮಾರ್ಚ್ 5 ರಿಂದ 7ನೇ ತಾರೀಖಿನವರೆಗೆ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (KSRTC) ವಿಶೇಷ ಬಸ್ ಸೌಲಭ್ಯವನ್ನು ಒದಗಿಸುತ್ತಿದೆ. ನಿಮ್ಮ ಊರಿನಿಂದ ನಾಯಕನಹಟ್ಟಿಗೆ ಬರುವ ಬಸ್‌ಗಳ ಮಾರ್ಗ ವಿವರ ಇಲ್ಲಿದೆ:

Read Also: ಮಾ.03 ರಂದು ಶ್ರೀ ಯೋಗಿನಾರೇಯಣ ಯತೀಂದ್ರರ ಜಯಂತಿ

• ಚಿತ್ರದುರ್ಗ & ಚಳ್ಳಕೆರೆ ಮಾರ್ಗ: ಈ ಮಾರ್ಗದಲ್ಲಿ ಬರುವ ಬಸ್‌ಗಳು ಬೆಳಗಟ್ಟ ಹಾಗೂ ಹಾಯ್ಕಲ್ ಮೂಲಕ ಸಂಚರಿಸಲಿವೆ.

• ಚಳ್ಳಕೆರೆ ಮಾರ್ಗ: ಚಳ್ಳಕೆರೆಯಿಂದ ಹೊರಡುವ ಕೆಲವು ಬಸ್‌ಗಳು ನರ‍್ಲಗುಂಟೆ ಮೂಲಕವೂ ಕಾರ್ಯಾಚರಣೆ ಮಾಡಲಿವೆ.

• ಹಿರಿಯೂರು ಮಾರ್ಗ: ಹಿರಿಯೂರಿನಿಂದ ಹೊರಡುವ ಬಸ್‌ಗಳು ಸಾಣಿಕೆರೆ, ಚಳ್ಳಕೆರೆ ಮತ್ತು ನರ‍್ಲಗುಂಟೆ ಮಾರ್ಗವಾಗಿ ನಾಯಕನಹಟ್ಟಿ ತಲುಪಲಿವೆ.

• ಪರುಶುರಾಂಪುರ ಮಾರ್ಗ: ನಾಯಕನಹಟ್ಟಿ ಹಾಗೂ ಪರುಶುರಾಂಪುರದ ನಡುವಿನ ಬಸ್‌ಗಳು ಚಳ್ಳಕೆರೆಯ ಮೂಲಕ ಸಂಚರಿಸಲಿವೆ.

ಘಟಕಗಳ ಮಾಹಿತಿ: ಈ ವಿಶೇಷ ಬಸ್‌ಗಳು ಚಿತ್ರದುರ್ಗ, ಚಳ್ಳಕೆರೆ, ಹೊಸದುರ್ಗ, ಹಿರಿಯೂರು ಹಾಗೂ ಪಾವಗಡ ಘಟಕಗಳಿಂದ ಕಾರ್ಯಾಚರಿಸಲಿವೆ.

Read Must: ನಾಯಕನಹಟ್ಟಿ ಜಾತ್ರೆಗೆ ಮೈಸೂರು ದಸರಾ ಮಾದರಿ ದೀಪಾಲಂಕಾರ! ಮಾ.6ಕ್ಕೆ ಐತಿಹಾಸಿಕ ರಥೋತ್ಸವ; ಸಕಲ ಸಿದ್ಧತೆಗೆ ಸೂಚನೆ