ಜಿಗಳಿ ಗುರುಧ್ಯಾನ ಶಾಲೆಯಲ್ಲಿ ಜನವರಿ 24 ರಂದು ‘ಗುರುಧ್ಯಾನ ಭಾವಂತರಂಗ’ ಸಂಭ್ರಮ

ಹರಿಹರ: ತಾಲ್ಲೂಕಿನ ಜಿಗಳಿ ಗ್ರಾಮದ ಗುರುಧ್ಯಾನ ಇಂಗ್ಲಿಷ್ ಮೀಡಿಯಂ ಶಾಲೆಯಲ್ಲಿ ಜನವರಿ 24 ರ ಶನಿವಾರ ಸಂಜೆ 5:30 ಕ್ಕೆ 2025-26ನೇ ಸಾಲಿನ ವಾರ್ಷಿಕೋತ್ಸವ ‘ಗುರುಧ್ಯಾನ ಭಾವಂತರಂಗ’ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಂಸ್ಥೆಯ ಅಧ್ಯಕ್ಷರಾದ ಎಂ. ಕೆ. ಸ್ವಾಮಿ ಅವರು ವಹಿಸಲಿದ್ದು, ದಾವಣಗೆರೆಯ ಹೆಸರಾಂತ ಅರಿವಳಿಕೆ ತಜ್ಞರಾದ ಡಾ. ದಿನೇಶ್ ಕುಮಾರ್ ಎನ್. ರುದ್ರಗೌಡ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಅಶ್ವಿನಿ ಆಯುರ್ವೇದ ಕಾಲೇಜಿನ ಪ್ರಾಧ್ಯಾಪಕಿ ಡಾ. ಕಾವ್ಯ ಟಿ. ಜಿ. ಆಗಮಿಸಲಿದ್ದಾರೆ.

ಗೌರವ ಅತಿಥಿಗಳಾಗಿ ಜಿಲ್ಲಾ ಪಂಚಾಯತ್ ಸಮಾಲೋಚಕ ಚಂದ್ರಶೇಖರ್ ಕೆ. ಎಸ್., ಸಂಸ್ಥೆಯ ಕಾರ್ಯದರ್ಶಿ ಸಾನ್ವಿ ಎಂ. ಕೆ. ಸ್ವಾಮಿ ಹಾಗೂ ಗುರುಧ್ಯಾನ ಶಾಲೆ ನಿರ್ದೇಶಕರಾದ ನಾಗರಾಜ್ ಪಿ. ಓ. ಪಾಲ್ಗೊಳ್ಳಲಿದ್ದಾರೆ. ಶಾಲಾ ಮಕ್ಕಳಿಂದ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಲಿದ್ದು, ಪೋಷಕರು ಮತ್ತು ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವಂತೆ ಶಾಲಾ ಮುಖ್ಯೋಪಾಧ್ಯಾಯಿನಿ ಭಾರತಿ ತಳವಾರ್ ಕೋರಿದ್ದಾರೆ.

Read Also: ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಮನವಿಗೆ ಮನ್ನಣೆ; ಬೆಂಗಳೂರು-ಮುಂಬೈ ವಂದೇ ಭಾರತ್ ಸ್ಲೀಪರ್ ರೈಲು ಸಂಚಾರಕ್ಕೆ ಅಸ್ತು