ದಾವಣಗೆರೆ ದಕ್ಷಿಣಕ್ಕೆ ‘ಸಮರ್ಥ’ ವಾರಸುದಾರ? ಅಜ್ಜನ ಸಮಾಧಿಗೆ ನಮಸ್ಕರಿಸಿ, ಸಿಎಂ ಆಶೀರ್ವಾದ ಪಡೆದ ಯುವ ನಾಯಕ!

ಇದು ಕೇವಲ ಸಂಭ್ರಮಾಚರಣೆಯಲ್ಲ, ಇದೊಂದು ‘ರಾಜಕೀಯ ಪಾದಾರ್ಪಣೆಯ ಪೂರ್ವ ತಯಾರಿ’ ಎನ್ನುವ ಮಾತುಗಳು ರಾಜಕೀಯ ವಲಯದಲ್ಲಿ ಕೇಳಿಬರುತ್ತಿವೆ.

1. ಅಜ್ಜನ ‘ಭಾವನಾತ್ಮಕ’ ಉತ್ತರಾಧಿಕಾರಿ:

ಸಮರ್ಥ್ ಅವರು ತಮ್ಮ ಜನ್ಮದಿನದಂದು ಮೊದಲು ಮಾಡಿದ್ದು ಲಿಂಗೈಕ್ಯ ಡಾ. ಶಾಮನೂರು ಶಿವಶಂಕರಪ್ಪ ಮತ್ತು ಅಜ್ಜಿ ಪಾರ್ವತಮ್ಮನವರ ಸಮಾಧಿಗೆ ನಮನ ಸಲ್ಲಿಸಿದ್ದು. ಇದು ಕೇವಲ ಗೌರವವಲ್ಲ, “ಅಜ್ಜನ ತತ್ವಗಳನ್ನು ನಾನೇ ಮುಂದುವರಿಸುತ್ತೇನೆ” ಎಂಬ ಸಂದೇಶವನ್ನು ಮತದಾರರಿಗೆ ರವಾನಿಸುವ ಪ್ರಯತ್ನ. ದಕ್ಷಿಣ ಕ್ಷೇತ್ರದಲ್ಲಿ ಡಾ. ಶಾಮನೂರು ಅವರಿಗೆ ಇರುವ ಅಗಾಧವಾದ ಅಭಿಮಾನಿ ಬಳಗವನ್ನು ಭಾವನಾತ್ಮಕವಾಗಿ ತಲುಪಲು ಇದು ಅನಿವಾರ್ಯ ಮತ್ತು ಅತ್ಯಗತ್ಯ ನಡೆಯಾಗಿದೆ ಎಂಬ ಅಭಿಪ್ರಾಯವಿದೆ.

2. ಜಾತಿ ಸಮೀಕರಣ ಮತ್ತು ಮಠಾಧೀಶರ ಅಭಯ:

ದಾವಣಗೆರೆ ರಾಜಕೀಯದಲ್ಲಿ ಜಾತಿ ಸಮೀಕರಣ ಅತ್ಯಂತ ಮಹತ್ವದ್ದು. ಸಮರ್ಥ್ ಅವರು:

• ವಾಲ್ಮೀಕಿ ಸಮುದಾಯ: ರಾಜನಹಳ್ಳಿ ವಾಲ್ಮೀಕಿ ಜಾತ್ರೆಯಲ್ಲಿ ಪ್ರಸನ್ನಾನಂದಪುರಿ ಶ್ರೀಗಳ ಆಶೀರ್ವಾದ ಪಡೆದರು.
• ಕುರುಬ ಸಮುದಾಯ: ಕಾಗಿನೆಲೆ ಶಾಖಾಮಠಕ್ಕೆ ತೆರಳಿ ನಿರಂಜನಾನಂದಪುರಿ ಶ್ರೀಗಳ ಆಶೀರ್ವಾದ ಪಡೆದರು.

ಈ ಎರಡು ಪ್ರಬಲ ಸಮುದಾಯಗಳ ಓಲೈಕೆ, ಕಾಂಗ್ರೆಸ್‌ನ ಸಾಂಪ್ರದಾಯಿಕ ‘ಅಹಿಂದ’ ಮತಬ್ಯಾಂಕ್ ಅನ್ನೂ ತಮ್ಮತ್ತ ಸೆಳೆಯುವ ತಂತ್ರಗಾರಿಕೆಯಂತೆ ಗೋಚರಿಸುತ್ತಿದೆ‌ ಎನ್ನುತ್ತಾರೆ ಜನ.

3. ಹೈಕಮಾಂಡ್ ಲೆವೆಲ್ ಕಾಂಟ್ಯಾಕ್ಟ್:

ಸಾಮಾನ್ಯ ಕಾರ್ಯಕರ್ತನಂತೆ ಅಲ್ಲದೆ, ಮುಖ್ಯಮಂತ್ರಿ ಸಿದ್ದರಾಮಯ್ಯನವರ ಬಳಿ ನೇರವಾಗಿ ತೆರಳಿ, ಕಾಲಿಗೆ ನಮಸ್ಕರಿಸಿ ಆಶೀರ್ವಾದ ಪಡೆದಿರುವುದು ಅವರ ರಾಜಕೀಯ ಪ್ರವೇಶಕ್ಕೆ ‘ಹೈಕಮಾಂಡ್’ ಮಟ್ಟದ ಒಪ್ಪಿಗೆ ಸಿಗುವ ಮುನ್ಸೂಚನೆ ನೀಡಿದೆ. ಸಚಿವ ಸಂಪುಟದ ಹಿರಿಯರ ಉಪಸ್ಥಿತಿ ಇದಕ್ಕೆ ಸಾಕ್ಷಿಯಾಗಿತ್ತು.

4. ಸರ್ವಧರ್ಮ ಸಮನ್ವಯ (ಸೆಕ್ಯುಲರ್ ಇಮೇಜ್):

ಒಂದೆಡೆ ಆನೆಕೊಂಡ ಬಸವೇಶ್ವರ ದೇವಸ್ಥಾನ, ದುರ್ಗಾಂಬಿಕಾ ದೇವಾಲಯದ ಪೂಜೆ, ಮತ್ತೊಂದೆಡೆ ಹಜರತ್ ಸೈಯದ್ ಸಾದತ್ ಉಷಾವಲಿ ದರ್ಗಾಕ್ಕೆ ಚಾದರ ಹೊದಿಸಿದ್ದು. ದಾವಣಗೆರೆ ದಕ್ಷಿಣದಲ್ಲಿ ನಿರ್ಣಾಯಕವಾಗಿರುವ ಮುಸ್ಲಿಂ ಮತಗಳನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳುವ ಮೂಲಕ, ತಾನು ಎಲ್ಲ ವರ್ಗದವರಿಗೂ ಸಲ್ಲುವ ನಾಯಕ. ಎಲ್ಲ ಸಮುದಾಯದ ಜನರ ಪ್ರೀತಿ, ವಿಶ್ವಾಸ ಗಳಿಸುವ ಪ್ರಯತ್ನದವಿದ್ದಾರೆ.

5. ಜನಾನುರಾಗಿ ಮತ್ತು ಸೇವಾ ಮನೋಭಾವ:

ದಾವಣಗೆರೆ ದಕ್ಷಿಣ ಕ್ಷೇತ್ರವು ಬಡವರು ಮತ್ತು ಕಾರ್ಮಿಕ ವರ್ಗವನ್ನು ಹೆಚ್ಚಾಗಿ ಹೊಂದಿದೆ. ಅನಾಥಾಶ್ರಮ, ಅಂಧ ಮಕ್ಕಳ ಶಾಲೆ, ಮತ್ತು ನಿರಾಶ್ರಿತರ ಕೇಂದ್ರಗಳಿಗೆ ಊಟ ವಿತರಿಸುವ ಮೂಲಕ, ತಾವು ಕೇವಲ ಶ್ರೀಮಂತ ಉದ್ಯಮಿಯಲ್ಲ, ಜನರ ಕಷ್ಟಕ್ಕೆ ಸ್ಪಂದಿಸುವ “ಸಮರ್ಥ” ನಾಯಕ ಎಂದು ಜನರ ಸಂಕಷ್ಟಗಳಿಗೆ ದಾರಿಯಾಗುವ ಪ್ರಯತ್ನ ನಡೆಸುತ್ತಿದ್ದಾರೆ.