ಮಧ್ಯ ಕರ್ನಾಟಕ ಲೈವ್ ಓದುಗರಿಗಾಗಿ ವಿಶೇಷ: ಇಂದಿನ ದಿನ ಭವಿಷ್ಯಇಂದಿನ ರಾಶಿ ಭವಿಷ್ಯ
ನಮಸ್ಕಾರ ಓದುಗರೇ, ಮಧ್ಯ ಕರ್ನಾಟಕದ ನೆಚ್ಚಿನ ಡಿಜಿಟಲ್ ಮಾಧ್ಯಮ
madhyakarnataka.live ನ ದೈನಂದಿನ ರಾಶಿ ಭವಿಷ್ಯ ವಿಭಾಗಕ್ಕೆ ಸ್ವಾಗತ. ಪ್ರಾಚೀನ
ಹಿಂದೂ ಜ್ಯೋತಿಷ್ಯ ಶಾಸ್ತ್ರದ
ಆಧಾರದ ಮೇಲೆ ನಿಖರವಾಗಿ ಗಣಿಸಿರುವ ನಿಮ್ಮ ಇಂದಿನ ನಿತ್ಯದರ್ಶನ ಇಲ್ಲಿದೆ. ಇಂದು ನಿಮ್ಮ ನಕ್ಷತ್ರಗಳು ಏನು ಹೇಳುತ್ತಿವೆ? ಯಾವ ರಾಶಿಯವರಿಗೆ ಆರ್ಥಿಕ ಲಾಭ ಕಾದಿದೆ, ಮತ್ತು ಯಾರು ಎಚ್ಚರಿಕೆಯಿಂದ ಇರಬೇಕು? ಸಂಪೂರ್ಣ ವಿವರ ಇಲ್ಲಿದೆ ನೋಡಿ.
ಮೇಷ ರಾಶಿ (Aries)
ದ್ವಾದಶದಲ್ಲಿ ಚಂದ್ರ, ಶನಿ ಹಾಗೂ ಮಂದಿ ಇರುವುದರಿಂದ ಇಂದು ನಿಮ್ಮ ಮತ್ತು ನಿಮ್ಮ ತಾಯಿಯ ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವುದು ಒಳಿತು. ಆಕಸ್ಮಿಕ ಖರ್ಚುಗಳು ಎದುರಾಗಬಹುದು, ಇದರಿಂದಾಗಿ ಸ್ವಲ್ಪ ಮಾನಸಿಕ ಒತ್ತಡ ಉಂಟಾಗುವ ಸಾಧ್ಯತೆ ಇದೆ. ಉದ್ಯೋಗ ಮತ್ತು ವ್ಯಾಪಾರ-ವ್ಯವಹಾರಗಳಲ್ಲಿ ನೆಮ್ಮದಿಯ ಕೊರತೆ ಕಾಡಬಹುದು. ಎಚ್ಚರಿಕೆಯ ಹೆಜ್ಜೆ ಇಡಿ.
ಅದೃಷ್ಟ ಸಂಖ್ಯೆ: 3
ವೃಷಭ ರಾಶಿ (Taurus)
ಇಂದು ಯಾವುದೇ ವಿಷಯದಲ್ಲಿ ತ್ವರಿತ ನಿರ್ಧಾರ ಕೈಗೊಳ್ಳುವುದು ಕಷ್ಟವಾಗಬಹುದು. ಆತಂಕದ ನಡುವೆಯೂ ನಿಮ್ಮ ಕಾರ್ಯಗಳು ಸಿದ್ಧಿಯಾಗಲಿವೆ. ಕೆಲವು ಸಂದರ್ಭಗಳಲ್ಲಿ ನೀವು ಮಧ್ಯವರ್ತಿಯಾಗಿ ಕೆಲಸ ಮಾಡಬೇಕಾಗಿ ಬರಬಹುದು. ನಿಮ್ಮ ಆಪ್ತ ವಲಯದಲ್ಲಿ ಮಾನಸಿಕ ನೆಮ್ಮದಿ ಇರಲಿದ್ದು, ಹಳೆಯ ಸ್ನೇಹಿತರು ಅಥವಾ ಆತ್ಮೀಯರ ಆಕಸ್ಮಿಕ ಭೇಟಿಯಿಂದ ಮನಸ್ಸಿಗೆ ಅತೀವ ಸಂತಸ ಸಿಗಲಿದೆ.
ಅದೃಷ್ಟ ಸಂಖ್ಯೆ: 1
ಮಿಥುನ ರಾಶಿ (Gemini)
ಇಂದು ಸ್ವಲ್ಪ ಉದಾಸೀನತೆ ಹಾಗೂ ನಿರ್ಲಕ್ಷ್ಯದ ಮನಸ್ಥಿತಿ ನಿಮ್ಮನ್ನು ಆವರಿಸುವ ಸಾಧ್ಯತೆ ಇದೆ. ಯೋಗ್ಯ ಕಾರ್ಯಗಳ ನಿಮಿತ್ತ ನಿಮ್ಮ ಖರ್ಚು ಹೆಚ್ಚಾಗಲಿದೆ. ಸಣ್ಣಪುಟ್ಟ ಮಾನಸಿಕ ಪ್ರಮಾದಗಳಿಂದ ಅಶಾಂತಿ ತಲೆದೋರಬಹುದು. ವಿರೋಧಿಗಳಿಂದಲೇ ನೆರವು ಪಡೆಯಬೇಕಾದ ಅನಿವಾರ್ಯತೆ, ಅಸಹಾಯಕತೆ ಎದುರಾಗಬಹುದು.
ಅದೃಷ್ಟ ಸಂಖ್ಯೆ: 5
ಕಟಕ ರಾಶಿ (Cancer)
ಅಷ್ಟಮದಲ್ಲಿರುವ ಗ್ರಹರು ನಿಮ್ಮ ಪ್ರತಿಯೊಂದು ವಿಷಯದಲ್ಲಿಯೂ ಸಣ್ಣಪುಟ್ಟ ಸಮಸ್ಯೆಗಳನ್ನು ಸೃಷ್ಟಿಸುವ ಸಾಧ್ಯತೆಯಿದೆ. ದುರ್ಜನರ ಸ್ನೇಹದಿಂದ ದೂರವಿರಿ, ವಂಚನೆಗೊಳಗಾಗಿ ಸಮಸ್ಯೆ ಉಲ್ಬಣವಾಗುವ ಲಕ್ಷಣಗಳಿವೆ. ಆದರೆ ವೃತ್ತಿರಂಗದಲ್ಲಿ ನಿರೀಕ್ಷಿತ ಲಾಭ ಹಾಗೂ ನೆರವು ನಿಮಗೆ ಸಿಗಲಿದೆ.
ಅದೃಷ್ಟ ಸಂಖ್ಯೆ: 8
ಸಿಂಹ ರಾಶಿ (Leo)
ಇಂದು ನಿಮ್ಮ ಸ್ಥಾನಮಾನದ ಉಳಿವಿಗಾಗಿ ಹೋರಾಟ ಮಾಡುವುದು ಅನಿವಾರ್ಯವಾಗಬಹುದು. ಇದು ನಿಮ್ಮ ಜೀವನದ ನಿಜವಾದ ಪರೀಕ್ಷೆಯ ಕಾಲ ಎಂದೇ ಹೇಳಬಹುದು. ದೇವರು ಒಂದು ಕೈಯಲ್ಲಿ ಕೊಟ್ಟು ಇನ್ನೊಂದು ಕೈಯಲ್ಲಿ ಕಸಿದುಕೊಳ್ಳುವಂತಹ ವಿಶಿಷ್ಟ ಸಮಯ ಇದಾಗಿದೆ. ಧೈರ್ಯದಿಂದ ಮುನ್ನಡೆಯಿರಿ.
ಅದೃಷ್ಟ ಸಂಖ್ಯೆ: 6
ಕನ್ಯಾ ರಾಶಿ (Virgo)
ಗ್ರಹಗತಿಗಳ ಪ್ರಕಾರ ಇಂದು ಆಕಸ್ಮಿಕ ವಿವಾದವೊಂದು ಎದುರಾಗುವ ಸಾಧ್ಯತೆ ಇದೆ. ಆದರೆ, ಮಕ್ಕಳ ಶಿಕ್ಷಣಕ್ಕೆ ಸಂಬಂಧಪಟ್ಟ ವಿಚಾರದಲ್ಲಿ ಶುಭ ವಾರ್ತೆಯನ್ನು ಕೇಳುವಿರಿ. ನಿಮ್ಮ ಆದಾಯದಲ್ಲಿ ಗಣನೀಯವಾಗಿ ಹೆಚ್ಚಳವಾಗಲಿದ್ದು, ಆರ್ಥಿಕವಾಗಿ ಉತ್ತಮ ದಿನ.
ಅದೃಷ್ಟ ಸಂಖ್ಯೆ: 3
ತುಲಾ ರಾಶಿ (Libra)
ಅಧಿಕಾರದಲ್ಲಿರುವ ನಿಮ್ಮ ಮಿತ್ರರಿಂದ ಅನಿರೀಕ್ಷಿತ ಕೊಡುಗೆಗಳು ಅಥವಾ ಸಹಾಯ ಲಭ್ಯವಾಗಲಿದೆ. ಕುಟುಂಬದಲ್ಲಿ ಶುಭ ಕಾರ್ಯದ ನಿಮಿತ್ತ ಸಂತಸ, ಸಮಾಧಾನ ಪ್ರಾಪ್ತಿಯಾಗಲಿದೆ. ಯಾವುದೇ ವಿವಾದಗಳು ಎದುರಾದರೂ ತಟಸ್ಥ ನಿಲುವು ತಾಳುವುದು ಉತ್ತಮ. ಮಕ್ಕಳೊಂದಿಗೆ ಅನಗತ್ಯ ವಾದ-ವಿವಾದ ಬೇಡ.
ಅದೃಷ್ಟ ಸಂಖ್ಯೆ: 1
ವೃಶ್ಚಿಕ ರಾಶಿ (Scorpio)
ಸುಖ ಸ್ಥಾನದಲ್ಲಿ ನಾಲ್ಕು ಗ್ರಹರು ಇರುವುದರಿಂದ ನಿಮ್ಮಲ್ಲಿ ಹೋರಾಟದ ಮನೋಭಾವ ಹೆಚ್ಚಿರುತ್ತದೆ. ಕೆಲವು ಸಂದರ್ಭಗಳಲ್ಲಿ ನಿಮ್ಮ ಮನಸಾಕ್ಷಿಗೆ ವಿರುದ್ಧವಾಗಿ ವರ್ತಿಸಬೇಕಾದ ಅನಿವಾರ್ಯತೆ ಬರಬಹುದು. ಸೋದರರನ್ನು ಒಳಗೊಂಡಂತೆ ಕೆಲವರ ವಿರೋಧ ಕಟ್ಟಿಕೊಳ್ಳಬೇಕಾದ ಪರಿಸ್ಥಿತಿ ಎದುರಾಗಬಹುದು. ತಾಳ್ಮೆ ಇರಲಿ.
ಅದೃಷ್ಟ ಸಂಖ್ಯೆ: 4
ಧನು ರಾಶಿ (Sagittarius)
ದ್ವಿತೀಯಗತ ಅಷ್ಟಮಾಧಿಪತಿಯಿಂದ ನಿಮ್ಮ ಸುತ್ತಮುತ್ತ ನೆಮ್ಮದಿಯ ವಾತಾವರಣವಿರುತ್ತದೆ. ಆರ್ಥಿಕ ಪರಿಸ್ಥಿತಿ ಉತ್ತಮವಾಗಿರುತ್ತದೆ. ಇಂದು ಶುಭ ಸಮಾರಂಭಗಳಲ್ಲಿ ಭಾಗವಹಿಸುವ ಯೋಗವಿದೆ. ಉತ್ತಮ ಮಾತುಕತೆಯ ಮೂಲಕ ದೀರ್ಘಕಾಲದ ಭೂ ವಿವಾದವೊಂದು ಸುಖಾಂತ್ಯ ಕಾಣಲಿದೆ.
ಅದೃಷ್ಟ ಸಂಖ್ಯೆ: 2
ಮಕರ ರಾಶಿ (Capricorn)
ದ್ವಿತೀಯದಲ್ಲಿ ನಾಲ್ಕು ಗ್ರಹರು ಇರುವುದರಿಂದ ಶುಭ ಕಾರ್ಯಗಳಿಗೆ ಅನೇಕ ರೀತಿಯ ವಿಘ್ನಗಳ ಭೀತಿ ಎದುರಾಗಬಹುದು. ಅತಿಯಾಗಿ ನಂಬಿದ ಆತ್ಮೀಯರಿಂದಲೇ ವಿಶ್ವಾಸ ದ್ರೋಹದ ಪ್ರಸಂಗ ಎದುರಾಗುವ ಸಾಧ್ಯತೆ ಇದೆ. ಯಾರನ್ನೂ ಕುರುಡಾಗಿ ನಂಬಲು ಹೋಗದಿರಿ.
ಅದೃಷ್ಟ ಸಂಖ್ಯೆ: 9
ಕುಂಭ ರಾಶಿ (Aquarius)
ದ್ವಿತೀಯಗತ ಅಷ್ಟಮಾಧಿಪತಿ ಪ್ರಭಾವದಿಂದ ಹೆಚ್ಚಿನ ದೋಷಗಳು ಇಂದು ಮಾಯವಾಗಲಿವೆ. ಆದರೆ ಕೆಲವು ಕಡೆ ನಿಮ್ಮ ಪ್ರಾಮಾಣಿಕತೆಗೆ ಬೆಲೆ ಇಲ್ಲದಂತಾಗಬಹುದು. ಇತರರಿಗೆ ಸಾಲ ಅಥವಾ ಹಣ ಕೊಡುವಾಗ ಎಚ್ಚರವಿರಲಿ, ವಂಚನೆಗೊಳಗಾಗಿ ಧನವ್ಯಯ ಆಗುವ ಲಕ್ಷಣಗಳಿವೆ.
ಅದೃಷ್ಟ ಸಂಖ್ಯೆ: 7
ಮೀನ ರಾಶಿ (Pisces)
ನಿಮ್ಮ ಜನ್ಮರಾಶಿಯಲ್ಲಿ ಪಾಪಗ್ರಹ ಶನಿ ಹಾಗೂ ಚಂದ್ರನ ಜೊತೆಗೆ ಮಂದಿ ಇದ್ದಾರೆ. ದ್ವಾದಶದಲ್ಲಿ ರವಿ, ಬುಧ, ಶುಕ್ರ, ರಾಹು ಇರುವುದರಿಂದ ಯಾವುದೋ ಒಂದು ಸಂಶಯದ ಮನಸ್ಥಿತಿ ನಿಮ್ಮನ್ನು ಕಾಡಲಿದೆ. ಅಲ್ಲದೆ ಮುಖದಲ್ಲಿ ಆತಂಕ ಅಥವಾ ಚಿಂತೆಯ ಗೆರೆಗಳು ಮೂಡಬಹುದು. ದೇವರ ಪ್ರಾರ್ಥನೆ ಮಾಡಿ.
ಅದೃಷ್ಟ ಸಂಖ್ಯೆ: 8
ನಿಮ್ಮೂರಿನ ವರದಿಗಾರರಾಗಿ! 🎤
ನಿಮ್ಮ ಹಳ್ಳಿಯ ಹಬ್ಬದ ಸಡಗರ ಅಥವಾ ಜನರ ಕಷ್ಟ-ಕಾರ್ಪಣ್ಯಗಳನ್ನು ಜಗತ್ತಿಗೆ ತಿಳಿಸಬೇಕೆ? ಹಾಗಿದ್ದರೆ ತಡಮಾಡಬೇಡಿ! ಸುದ್ದಿ, ಫೋಟೋ ಅಥವಾ ವಿಡಿಯೋಗಳನ್ನು ನಮಗೆ ಕಳುಹಿಸಿಕೊಡಿ.
ನಿಮ್ಮೂರಿನ ಧ್ವನಿಯಾಗಲಿದೆ ಮಧ್ಯಕರ್ನಾಟಕ ಲೈವ್.
