ಹರಿಹರ: ಜಿಗಳಿ ಗ್ರಾಮದಲ್ಲಿ ಅದ್ದೂರಿ ಶ್ರೀ ರಂಗನಾಥಸ್ವಾಮಿ ರಥೋತ್ಸವ! ಇಲ್ಲಿದೆ ಜಾತ್ರಾ ಮಹೋತ್ಸವದ ಸಂಪೂರ್ಣ ವಿವರ

ದಾವಣಗೆರೆ/ಹರಿಹರ: ಹರಿಹರ ತಾಲೂಕಿನ ಜಿಗಳಿ ಗ್ರಾಮದಲ್ಲಿ ಪ್ರತಿ ವರ್ಷದಂತೆ ಈ ವರ್ಷವೂ ಇತಿಹಾಸ ಪ್ರಸಿದ್ಧ “ಶ್ರೀ ರಂಗನಾಥಸ್ವಾಮಿಯ ರಥೋತ್ಸವ ಹಾಗೂ ಜಾತ್ರಾ ಮಹೋತ್ಸವ” ಬಹು ಸಡಗರ-ಸಂಭ್ರಮದಿಂದ ಜರುಗಲಿದೆ.

ಫೆಬ್ರವರಿ 21 ರಿಂದಲೇ ಧಾರ್ಮಿಕ ಕಾರ್ಯಕ್ರಮಗಳು ಆರಂಭವಾಗಿದ್ದು, ಮಾರ್ಚ್ 1 ರಂದು ಪ್ರಮುಖ ರಥೋತ್ಸವ ನಡೆಯಲಿದೆ. ಭಕ್ತ ಸಾಗರವೇ ಹರಿದುಬರುವ ನಿರೀಕ್ಷೆ ಇದ್ದು, ಜಾತ್ರೆಯ ಅಂಗವಾಗಿ ಮಹಾ ಅನ್ನದಾಸೋಹ ಹಾಗೂ ವಿವಿಧ ಸಾಂಸ್ಕೃತಿಕ-ಧಾರ್ಮಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.

ಜಾತ್ರಾ ಮಹೋತ್ಸವದ ಪ್ರಮುಖ ಕಾರ್ಯಕ್ರಮಗಳು:

• ✦ಫೆಬ್ರವರಿ 28 (ಶನಿವಾರ): ರಾತ್ರಿ 8:30ಕ್ಕೆ ಸರಿಯಾಗಿ ಮಹಾರಥಕ್ಕೆ ಕಳಸಧಾರಣೆ ಕಾರ್ಯಕ್ರಮ.
• ✦ಮಾರ್ಚ್ 01 (ಭಾನುವಾರ – ರಥೋತ್ಸವ): ಬೆಳಗ್ಗೆ 8:00 ಗಂಟೆಗೆ ಗಜ ಉತ್ಸವ. ಬಳಿಕ ಬ್ರಾಹ್ಮೀ ಮುಹೂರ್ತದಲ್ಲಿ ಶ್ರೀ ರಂಗನಾಥಸ್ವಾಮಿ, ಶ್ರೀ ಬೀರಲಿಂಗೇಶ್ವರಸ್ವಾಮಿ, ಶ್ರೀ ಆಂಜನೇಯಸ್ವಾಮಿ ದೇವರುಗಳ ಒಡಗೂಡಿ ವಿವಿಧ ವಾದ್ಯಗಳೊಂದಿಗೆ ಅದ್ದೂರಿ “ರಥೋತ್ಸವ” ಜರುಗಲಿದೆ.
• ✦ಮಾರ್ಚ್ 02 (ಸೋಮವಾರ): ಬೆಳಗ್ಗೆ 10:30ರಿಂದ ಜವಳ, ಮುದ್ರೆ ಕಾರ್ಯಕ್ರಮ. ಸಂಜೆ ಯುವಕರು ಕಾತುರದಿಂದ ಕಾಯುವ “ಓಕುಳಿ” ಕಾರ್ಯಕ್ರಮ ನಡೆಯಲಿದೆ.
• ✦ಮಾರ್ಚ್ 03 (ಮಂಗಳವಾರ): ಸಂಜೆ 7:30 ರಿಂದ ದೇವರುಗಳ ಭೂತನ್ ಸೇವೆ ಹಾಗೂ ರಾಜ ಬೀದಿಗಳಲ್ಲಿ ಉತ್ಸವ.
• ✦ಮಾರ್ಚ್ 06 (ಶುಕ್ರವಾರ): ಶ್ರೀ ಚೌಡಮ್ಮ ದೇವಿಯ ಹಬ್ಬದೊಂದಿಗೆ ಜಾತ್ರಾ ಮಹೋತ್ಸವ ಸಂಪನ್ನಗೊಳ್ಳಲಿದೆ.

Tags: #Harihara #Jigali #RanganathaswamyJatra #Rathotsava #DavanagereNews #KarnatakaTemples