LPG e-KYC Update: ಗ್ಯಾಸ್ ಗ್ರಾಹಕರಿಗೆ ಬಿಗ್ ಅಲರ್ಟ್! ಮಾರ್ಚ್ 31ರೊಳಗೆ ಈ ಕೆಲಸ ಮಾಡದಿದ್ದರೆ ಸಬ್ಸಿಡಿ ಕಟ್, ಕನೆಕ್ಷನ್ ರದ್ದು!

LPG e-KYC Update: ಎಲ್ಪಿಜಿ (LPG) ಗ್ಯಾಸ್ ಬಳಸುವ ಗ್ರಾಹಕರಿಗೆ ಕೇಂದ್ರ ಸರ್ಕಾರ ಹಾಗೂ ಗ್ಯಾಸ್ ಕಂಪನಿಗಳು ಮಹತ್ವದ ಎಚ್ಚರಿಕೆಯನ್ನು ನೀಡಿವೆ. ನೀವು ಎಚ್‌ಪಿ (HP), ಇಂಡೇನ್ (Indane) ಅಥವಾ ಭಾರತ್ ಗ್ಯಾಸ್ (Bharat Gas) ಯಾವುದೇ ಕಂಪನಿಯ ಗ್ರಾಹಕರಾಗಿದ್ದರೂ, ನಿಮ್ಮ ಗ್ಯಾಸ್ ಕನೆಕ್ಷನ್‌ಗೆ ಈ-ಕೆವೈಸಿ (e-KYC) ಮಾಡಿಸುವುದು ಈಗ ಕಡ್ಡಾಯವಾಗಿದೆ.

ಒಂದು ವೇಳೆ ನೀವು ನಿಗದಿತ ಸಮಯದೊಳಗೆ ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸದಿದ್ದರೆ, ನಿಮ್ಮ ಗ್ಯಾಸ್ ಸಬ್ಸಿಡಿ ಸ್ಥಗಿತಗೊಳ್ಳುವುದಲ್ಲದೆ, ಗ್ಯಾಸ್ ಕನೆಕ್ಷನ್ ಕೂಡ ರದ್ದಾಗುವ ಭೀತಿ ಎದುರಾಗಿದೆ.

ಕೊನೆಯ ದಿನಾಂಕ ಯಾವಾಗ?

ಗ್ಯಾಸ್ ಗ್ರಾಹಕರು ತಮ್ಮ ಈ-ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಮಾರ್ಚ್ 31 ಕೊನೆಯ ದಿನಾಂಕವಾಗಿದೆ. ಈ ಗಡುವಿನೊಳಗೆ ಕೆವೈಸಿ ಮಾಡದಿದ್ದರೆ ಗ್ಯಾಸ್ ಸಿಲಿಂಡರ್ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಬಹುದು ಎಂದು ಎಚ್ಚರಿಸಲಾಗಿದೆ.

Read Also: ಇ-ಸ್ವತ್ತು 2.0: ಇನ್ಮುಂದೆ ಗ್ರಾಮ ಪಂಚಾಯಿತಿ ಆಸ್ತಿ ದಾಖಲೆಗಳು ಮನೆ ಬಾಗಿಲಿಗೆ; ಫಾರ್ಮ್ 11A, 11B ಪಡೆಯುವುದು ಹೇಗೆ?

ಈ-ಕೆವೈಸಿ ಏಕೆ ಅಗತ್ಯ?

1. ಸಬ್ಸಿಡಿ ಮುಂದುವರಿಕೆ: ಸರ್ಕಾರದ ಕಡೆಯಿಂದ ಬರುವ ಗ್ಯಾಸ್ ಸಬ್ಸಿಡಿ ಹಣ ನೇರವಾಗಿ ನಿಮ್ಮ ಬ್ಯಾಂಕ್ ಖಾತೆಗೆ ಜಮಾ ಆಗಲು ಈ-ಕೆವೈಸಿ ಕಡ್ಡಾಯ.

2. ನಕಲಿ ಕನೆಕ್ಷನ್ ತಡೆ: ಅರ್ಹ ಫಲಾನುಭವಿಗಳಿಗೆ ಮಾತ್ರ ಸೌಲಭ್ಯ ತಲುಪಿಸಲು ಮತ್ತು ನಕಲಿ ಗ್ಯಾಸ್ ಕನೆಕ್ಷನ್‌ಗಳನ್ನು ಪತ್ತೆಹಚ್ಚಿ ರದ್ದುಗೊಳಿಸಲು ಈ ಕ್ರಮ ಕೈಗೊಳ್ಳಲಾಗಿದೆ.

3. ಕನೆಕ್ಷನ್ ಚಾಲ್ತಿ: ನಿಮ್ಮ ಗ್ಯಾಸ್ ಸಂಪರ್ಕವು ಅಧಿಕೃತವಾಗಿ ಮುಂದುವರಿಯಲು ಆಧಾರ್ ದೃಢೀಕರಣ ಅತ್ಯಗತ್ಯ.

ಯಾರು ಮಾಡಿಸಬೇಕು?

ವಿಶೇಷವಾಗಿ ಪ್ರಧಾನ ಮಂತ್ರಿ ಉಜ್ವಲ ಯೋಜನೆಯಡಿ ಉಚಿತ ಗ್ಯಾಸ್ ಕನೆಕ್ಷನ್ ಪಡೆದ ಗ್ರಾಹಕರು ಈ ಇ-ಕೆವೈಸಿಯನ್ನು ತಪ್ಪದೇ ಮಾಡಿಸಿಕೊಳ್ಳಬೇಕು. ಸಾಮಾನ್ಯ ಗ್ರಾಹಕರಿಗೂ ಸಹ ಇದು ಅಗತ್ಯವಿದ್ದು, ನಿಮ್ಮ ಗ್ಯಾಸ್ ಏಜೆನ್ಸಿಯನ್ನು ಸಂಪರ್ಕಿಸಿ ಮಾಹಿತಿ ಪಡೆಯಬಹುದು.

ಅಗತ್ಯ ದಾಖಲೆಗಳು ಯಾವುವು?

• ಗ್ರಾಹಕರ ಆಧಾರ್ ಕಾರ್ಡ್.

• ಗ್ಯಾಸ್ ಕನೆಕ್ಷನ್ ಪಾಸ್‌ಬುಕ್ (Consumer Book).

• ಲಿಂಕ್ ಆಗಿರುವ ಮೊಬೈಲ್ ಸಂಖ್ಯೆ.

ಮನೆಯಲ್ಲೇ ಕುಳಿತು ಮೊಬೈಲ್‌ನಲ್ಲಿ ಇ-ಕೆವೈಸಿ ಮಾಡುವುದು ಹೇಗೆ?

ನೀವು ಗ್ಯಾಸ್ ಏಜೆನ್ಸಿಗೆ ಅಲೆಯುವ ಅಗತ್ಯವಿಲ್ಲದೆ ಮನೆಯಲ್ಲೇ ಸುಲಭವಾಗಿ ಇ-ಕೆವೈಸಿ ಮಾಡಬಹುದು. (ಉದಾಹರಣೆಗೆ ಇಂಡಿಯನ್ ಆಯಿಲ್ ಗ್ರಾಹಕರಿಗೆ):

1. ಆಪ್ ಇನ್‌ಸ್ಟಾಲ್: ಪ್ಲೇ ಸ್ಟೋರ್‌ನಿಂದ ‘IndianOil One’ ಮತ್ತು ‘Aadhaar Face RD’ ಎಂಬ ಎರಡು ಆಪ್‌ಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳಿ.

2. ನೋಂದಣಿ: ಆಪ್‌ನಲ್ಲಿ ನಿಮ್ಮ ಮೊಬೈಲ್ ಸಂಖ್ಯೆ ಬಳಸಿ ಲಾಗಿನ್ ಆಗಿ ಅಥವಾ ಹೊಸ ಖಾತೆ ತೆರೆಯಿರಿ.

3. LPG ಐಡಿ ಲಿಂಕ್: ನಿಮ್ಮ 16 ಅಂಕಿಗಳ ಎಲ್ಪಿಜಿ ಐಡಿಯನ್ನು ನಮೂದಿಸಿ ವೆರಿಫೈ ಮಾಡಿ.

4. ರೀ-ಕೆವೈಸಿ: ಮೈ ಪ್ರೊಫೈಲ್ ವಿಭಾಗದಲ್ಲಿರುವ ‘Re-KYC’ ಆಯ್ಕೆಯನ್ನು ಕ್ಲಿಕ್ ಮಾಡಿ.

5. ಮುಖ ಚಹರೆ ದೃಢೀಕರಣ: ಫೇಸ್ ಸ್ಕ್ಯಾನ್ ಆಪ್ ಮೂಲಕ ಗ್ಯಾಸ್ ಕನೆಕ್ಷನ್ ಹೊಂದಿರುವವರ ಮುಖವನ್ನು ಸ್ಕ್ಯಾನ್ ಮಾಡಿ ಸಬ್ಮಿಟ್ ಕೊಡಿ.

ಆಫ್‌ಲೈನ್ ವಿಧಾನ: ಒಂದು ವೇಳೆ ಆನ್‌ಲೈನ್‌ನಲ್ಲಿ ಸಾಧ್ಯವಾಗದಿದ್ದರೆ, ನಿಮ್ಮ ಗ್ಯಾಸ್ ಏಜೆನ್ಸಿಗೆ ಭೇಟಿ ನೀಡಿ ಬಯೋಮೆಟ್ರಿಕ್ (ಹೆಬ್ಬೆಟ್ಟಿನ ಗುರುತು) ನೀಡುವ ಮೂಲಕ ಈ ಕೆಲಸವನ್ನು ಉಚಿತವಾಗಿ ಮಾಡಿಸಿಕೊಳ್ಳಬಹುದು.